Campaña 2025 de vacinación fronte á gripe e á Covid-19

Abstract

[GLG] O pasado 29 de setembro de 2025 iniciouse en Galicia a campaña anual de vacinación fronte á gripe e á Covid-19. Como en anos anteriores, comezou nas residencias de maiores e nos centros de discapacidade, onde os equipos de atención primaria realizaron a vacinación in situ. Nesta edición, os centros de saúde convertéronse no eixo central da campaña, asumindo a administración das vacinas. A poboación de 60 anos ou máis, así como os nenos e nenas de entre seis meses e 11 anos, foi citada proactivamente mediante SMS. Ademais, levouse a cabo o programa piloto de vacinación infantil en 55 centros escolares.