O paludismo en Galicia: 2018-2024

Abstract

[GLG] Entre 2018 e 2024 notificáronse en Galicia 81 casos de paludismo, todos importados, cunha incidencia inferior á media estatal. A maioría afectaron a homes novos procedentes de África, principalmente por viaxes laborais ou vacacionais, e cun uso moi limitado de quimioprofilaxe. Plasmodium falciparum foi a especie predominante. A presenza en Galicia de vectores competentes é moi baixa, polo que o risco de transmisión autóctona considérase mínimo. Destácase a importancia da detección precoz, do manexo axeitado dos casos e da consulta previa ao viaxeiro.