Envellecemento activo

Abstract

[GLG] Galicia é unha das comunidades máis envellecidas do mundo e resulta necesario deseñar estratexias para preservar o benestar, a autonomía e a calidade de vida ao longo de todo o ciclo vital. O envellecemento activo non se centra unicamente na práctica de exercicio físico, xa que engloba un conxunto de hábitos e comportamentos, entre os que se inclúen a actividade física en conxunto, a alimentación saudable, a calidade do sono e a participación social. Este mes cúmprense dous anos da presentación do microdocumental A receita galega, un proxecto audiovisual de menos de 15 minutos que trata sobre as claves do envellecemento activo en Galicia. Preme na ligazón para visualizar A receita galega.