Marcha nórdica

Abstract

Esta disciplina, que consiste en camiñar axudado do impulso de bastóns, xurdiu en Finlandia como unha forma de adestrar en esquí de fondo fóra da tempada. Co tempo, a súa práctica popularizouse grazas á súa capacidade para achegar maior dinamismo que a camiñada convencional, sen perder sinxeleza e promovendo o contacto coa natureza. Mesmo cando se compara con exercicios similares como é a camiñada rápida, obsérvase que a marcha nórdica pode promover un maior consumo de osíxeno e incremento da frecuencia cardíaca, servindo como base fisiolóxica para a mellora da saúde cardiovascular.