Seroprevalencia fronte a COVID-19 en Galicia antes da nova normalidade

Abstract

O estudo avaliou a seroprevalencia de COVID-19 en Galicia ao rematar o confinamento para coñecer a proporción de persoas inmunes e as posibilidades de novas epidemias. Realizouse un estudo de seroprevalencia na poboación non institucionalizada de Galicia, dividindo o territorio en 45 áreas xeográficas. O estudo permitiu estar preparados en termos de recursos sanitarios, en cantidade e distribución xeográfica, co obxectivo de estimar a prevalencia de inmunidade na poboación. Metodoloxía: O estudo realizouse en dúas ondas: a primeira antes da Fase 1 da desescalada e a segunda despois do fin da desescalada. Seleccionouse unha mostra aleatoria estratificada por sexo e idade, cun tamaño mínimo de 600 persoas por área xeográfica. A presenza de anticorpos mediuse cunha proba rápida e preguntouse aos participantes sobre síntomas compatibles con COVID-19. Recolléronse datos sobre síntomas recentes para aproximar o ámbito de transmisión e a prevalencia de inmunidade en relación co confinamento. Identificáronse persoas relacionadas con hospitais e residencias de maiores, e excluíronse persoas institucionalizadas da enquisa. As mostras tomáronse nos centros de saúde de referencia, e a persoas con síntomas recentes pediuse unha PCR. Resultados: Na primeira onda, contactouse con 61.836 persoas, das que 44.996 realizaron a proba rápida e 190 resultaron positivas. Na segunda onda, contactouse con 62.728 persoas, realizáronse 42.366 probas rápidas e 110 deron positivo. Identificáronse casos positivos adicionais mediante un cruce coa base de casos de Galicia, tanto na primeira como na segunda onda. A Táboa 4 mostra a distribución de contactos, probas realizadas, probas non válidas e casos novos por área sanitaria nas dúas ondas. Comentario: O estudo tiña como obxectivo prioritario estimar a prevalencia de residentes en Galicia que tiñan anticorpos fronte ao SARS-CoV-2. A baixa prevalencia achada está moi lonxe do valor necesario para acadar unha inmunidade de grupo efectiva.