Fraxilidade e caídas

Abstract

O noso país alcanzou unha das esperanzas de vida máis altas do mundo. No ano 2019 estaba por enriba dos 83,8 anos. Aínda así, outros países presentan un maior número de anos acadados con boa saúde, en ausencia de limitacións funcionais ou discapacidade. Fomentar o mantemento da capacidade funcional e limitar a aparición da dependencia nas persoas maiores é un desafío global. Por tanto, resulta beneficioso actuar sobre os factores modificables, como a inactividade física, o consello nutricional, a promoción da reserva cognitiva, a adecuación da medicación ou a prevención de riscos no fogar, entre outros. Resulta de utilidade avaliar a situación e detectar a fraxilidade, por ser un bo preditor da discapacidade e da mortalidade. En España, o 18% das persoas maiores de 65 anos son fráxiles.