Hixiene do sono na era dixital

Abstract

As redes sociais convertéronse nunha parte integral da vida cotiá de millóns de persoas en todo o mundo. O uso prolongado das distintas plataformas nas horas nocturnas repercute de forma negativa na calidade e na cantidade do sono. Ademais, diversos estudos amosan que durmir entre 3 e 5 horas menos do habitual podería supoñer unha maior inxesta calórica, o que implicaría un aumento de peso se se produce de forma continuada no tempo. A sensibilización e a información son clave para detectar e abordar as condutas adictivas no referente ao uso da internet e das redes sociais.