O faiado da memoria: boas prácticas no Concello da Laracha

Abstract

A soidade non desexada (SND) é un problema silente que cada vez afecta máis persoas no noso país. Atópase especialmente estendida entre a xuventude (35,5 %) e as persoas maiores (19,9 %). O Concello da Laracha impulsa unha iniciativa que ten un dobre obxectivo: por unha banda, previr a SND, especialmente no colectivo de persoas maiores, e, pola outra, recuperar os recordos, as historias, o material gráfico e as lendas da poboación do municipio. Ademais, o pasado mes de outubro organizáronse as II xornadas de promoción da saúde para transmitir coñecementos prácticos co fin de incrementar o benestar físico, mental e emocional.