Protexéndonos fronte ás vagas de calor

Abstract

Falamos de confort térmico cando experimentamos unha situación de benestar e comodidade en relación coa temperatura do espazo no que nos atopamos, sexa interior ou exterior. Do mesmo xeito que acontece con outros aspectos da vida, a exposición á calor vívese dun xeito diferente en función da subxectividade de cada persoa, aínda que se dan unha serie de feitos obxectivos que todas as persoas temos que ter en conta para evitar que a nosa saúde poida verse minguada por mor da calor nestes meses do ano.